Jab subah aankhen khulin thin
sabse pehla deedar
mein, mera chehra,
aur sheeshe ki deewar
Din dhalne ka besabri se
khoob kiya intazaar
jab jab nazren uthtin upar
sheeshe ki deewar
shaam dhale nadi kinare
jamna karke paar
jhuki jab paani mein jhankne
toh sheeshe ki deewar
unka aana, nazren milana
dil ka jaana haar
mein, mera pyar, unki aankhen
jo sheeshe ki deewar
na chahoon pir bhi dikhti hoon khudko
chahe bhaag chaloon sau baar
jahan mein jaaun wahin khadi hai
sheeshe ki deewar
inmein dikhti hai jo mujhko
woh kyun nahin mujhe sweekar?
mein, khud mein, bas mein
aur sheeshe ki deewar
(c) Smita Rajan
Aug 18, 2005
Subscribe to:
Post Comments (Atom)
No comments:
Post a Comment