Sannata

Ekaant, hara praant
Mein, aur sannata

Dhadhkan ki dhardhadahat
Patton ki phadphadahat
ghante si lage jab har
chhoti-moti aahat
na jaane kaise samay woh kaata

Ekaant, hara praant
Mein, aur sannata

Sannate ki aawaaz
ya koi bandh pada saaz
aawaaz ka na hona
jaise ho koi ek raaz
chuupi se raahat
kyun na koi dilata

Ekaant, hara praant
Mein, aur sannata

Bhaag chaluun yahan se, mann hai
phir bhi na jaane kya sammohan hai
mera, is awaaz ka,
iska aur mera ek bandhan hai
Lakh chahuun par kadam na uth paata

Ekaant, hara praant
Mein, aur sannata

(c) Smita Rajan
November 2005